2012 / 02 / 28

Eraikina barrualdetik, bolumen ezberdineko gunez

Eraikinaren barrualdeari dagokionez, bolumen ezberdinez osatua egongo da.

Hau da, eraikina altuera zein azalera ezberdinez osatzen da.

Horrez gain, gune ireki zein itxiz ere osatuko da.

Gune bakoitzak izango duen argiztapena ere ezberdina izango da, duen kokapena zein altueraren araberakoa izango da.

Beraz, barrualdeari dagokionez, eraikina erabilera anitzetara egokitzeko gune ezberdinez osatzen da. Ekintza bakoitzak bere beharretara egokituko den gune jakin eta zehatz bat izango du.
Modu honetan, eraikinean ekintza asko burutu ahal izango dira, bakoitza gune jakin ala bere beharretara egokituz.

ekintza oro bere beharretara egokitu ahal izateko gune ezberdinak

 Eraikinari dagokionez, ireki - itxi bolumenez osatzen da eraikina.

Eraikinak, barne zein kanpo eremuak izango ditu. Honela, ekintza orok gune ireki zein itxietan burutzeko aukera izango dute.

Gune ezberdin guzti hauek igogailu zein eskaileraz komunikatuak egongo dira. Eskailera hauek leku ezberdinak komunikatuko dituzte, gune ezberdinak lortuz.

Gune irekiei dagokienez, alderik alderiko kaja modukoak izango ditu. Kaja hauek, instalazioak eramateaz gain, hau da, argiztapena, aireztapena... grada moduan, barandila moduan zein eszenatoki moduan erabiltzeko aukera emango ditu. Zuhaitzen mazetak ere izango dira, zuhaitz hauek pantaila moduan egingo dutelarik.

Helburua ahalik eta gune ezberdin gehien lortzea da, ekintza bakoitza bere beharretara egokitu ahal izateko.

kokapen maketa, inguruarekiko harremana

Kokapenari dagokionez, kutxilerria kalea eta barne patio baten artean kokatzen da eraikina. Eraikin publikoa izanik, kalearekin ahalik eta harreman egokiena izatea interesgarria da.

Hori honela, barne patioarekin harremana gauzatu dut eta kutxilleria kalearekiko ere panel mugikorrez guztiz ireki daitekeen fatxada mugikorra planteatu dut.

Honela, eraikinak kalearekin bat egingo du inolako oztoporik izan gabe.

Harreman hau gune irekien itxitura guztietan errepikatuko da. Honela, gune itxiek irekietara irekitzeko aukera izango dute, guzti hau bat eginez eta eremu oso bat sortuz.

erabilera anitza - eremu ezberdinen aniztasuna

Ekintza anitzez osaturiko eraikina dela jakinik eta ekintza orok espazio jakin bat beharko duela kontuan izanda, eremu ezberdinez osatzen den eraikin bat iruditu zait egokiena.

Hori honela, ebaketan ikusten den moduan, altuera zein azalera ezberdineko guneak sortu ditut. Ekintza bakoitza ez dut zehaztu non burutuko litzateken, hau librea izatea dela egokiena iruditzen zait. Hala eta guztiz ere, adibide modura kokatu ditut ekintzetariko batzuk.

Altuera zein azalera ezberdinetako guneak sortzeaz gain, eremu itxi - irekiak sortzen saiatu naiz. Eraikina honela, espazio itxi zein irekien arteko bateratzea litzateke.

Solairuak igogailu bidez komunikatzeaz gain, leku zein gune ezberdinak komunikatuko dituen eskailerek ere osatzen dute. Eskailera hauek gune itxi zein irekietatik daude eginak, espazio ezberdinak komunikatuz.

Luzera osoa okupatzen duten kaxa moduko batzuk jarri ditut bestetik. Hauek, lekuan lekuko instalazioetara egokituko lirateke. Hala nola argiztapena, zuhaitzen lurra, berogailua, aireztapena... komunak beheko solairuan geratuko lirateke, honela gainerako solairuen artean jarraitasun bat lortzen da, guztia gune irekia izanik.

Zuhaitzek gune ezberdinen arteko nolabaiteko harremana bultzatzen dute. Hau da, zuhaitzak dauden gunetik ondorengo zuhaitzdun gunea ikusteko aukera egongo da. Honela guneka euren artean komunikatuz.

Eraikina kutxileria kalera berez dena baina txikiagoa ageri da. Hau da, kalera ematen duena baina handiagoa da baina altuera hau atzealdetik hartuko du. Honela eraikina kutxileria kalean modu egoki batean integratzea lortzen da.

Eraikinera sarrera bi gunetatik emango da; bai kutxilleria kaletik eta baita patio aldeko kaletik ere.

behe solairuko oina

lehen solairuko oina

bigarren solairuko oina

hirugarren solairuko oina

laugarren solairuko oina

bostgarren solairuko oina

seigarren solairuko oina

zazpigarren solairuko oina

ebaketa orokorra

ebaketa orokorra

kutxilleria kaleko fatxada

barneko patioko fatxada

Shibaura house, Sanaa

Programa zehaztu ondoren, hauek eraikin batetara nola eraman pentsatzeari ekin diot.

Aipatu moduan, gure ekintzak gune ireki zein itxi batean burutu daitezkeela iruditu zait puntu interesgarri bat. Hori honela, Sanaa-ren eraikin hau etorri zait burura.



Eraikin honetan oso interesgarria iruditzen zait kanpo eremuak nola lortzen dituen. Eremu itxi zein irekiak elkartzen ditu eraikin bakar batean.

Bestetik, eraikin osoan zehar altura ezberdinak lortzen ditu eta hau ere gure eraikinerako oso interesgarria iruditzen zait. Hau da, ebaketan dimentsio ezberdinetako eremuak izango genituzke. Gure eraikina erabilera anitzez eratua izango denez, dimentsio ezberdin hauek egokiak izango lirateke, ekintza bakoitzak behar ezberdinak baititu.

hutsunea bizituz, lehen urratsak

Programa ezagutu ondoren, programa bera eta ingurua aztertzeari ekin diot.

Programari dagokionez, erabilera anitzak beregain hartuko dituen eraikina da helburua.
Ekintza hauek burutu ahal izateko, eraikinak zenbait zerbitzu eskaini beharko dizkigu eta baita egokitutako zenbait eremu ere.

Ekintzak aztertu ostean, hauen artean nolabaiteko harremana ala antzekotasuna aurkitu dut.
Ekintza oro kanpoan, gune ireki batean burutu daitezkeen bezala gune estali ala itxi batean ere burutu daitezke. Interesgarria iruditu zait lotura hau eta eraikinak ekintza hauek burutzeko bi aukerak eskaintzea da nire helburuetako bat.

Inguruari dagokionez, Gasteizko alde zaharrean kokatzen da gure hutsunea. Bertan, espazio publikoak nahiko urriak direla iruditzen zait eta gure proiektuak honetarako aukera ematea da nire beste helburu bat.

Beraz, behin bi arlo horiek aztertu ostean, hutsunea bizitu ahal izateko programa batera heldu naiz.
Hiru gune ezberdin hauek elkartzea litzateke,

Lehenik eta behin kaleari jarraiki izango den eta espazio publiko estali moduan erabiliko den eremua. Espazio publiko funtzioa izateaz gain, gure ekintzak burutzeko gune irekia ere izango litzateke.

Bigarrengoa, espazio isolatua litzateke. Espazio honetan gure ekintzak burutuko lirateke eremu isolatu batean. Eremua hau osoa litzateke eta espazio tamaina ezberdinetara egokitzeko aukera izan beharko luke. Ekintza guztiek ez baitute espazio bera beharko.

Landu nahi ditudan hiru arloak jakin ostean,
Le Corbusierren Hospitalala etorri zait gogora.
Bertan bi mailak patio bidez komunikatzen ditu eta modu honetara argiztapena ere eskuratzen du azalera osoan zehar.

Aldo Van Eyck-ek ere badu arlo ezberdinetako mailak gainjartzen dituen proiektu bat ere. Orfanato bat da.

Modu interesgarria iruditzen zait, oin ezberdinak gainjarriz eta patio bidez komunikazioak ahalbidetuz nire proiektua osatzeko.