minimotik maximorantz

Egitura sendo eta arinen arteko sailkapena egin ostean,


- egitura sendoa -  iraukorra


- egitura arina - aldakorra


eta hauen harremanak aztertu ostean 3 multzoz osaturiko proposamena egin dugu,


1multzoa, informazio gunea litzateke, hau urte osoan zehar egongo litzatekenez, iraunkorra izan litzateke eta beraz egitura sendoa.
Funtzio ezberdinak hartuko lituzke,
- informazioa
- merkatua
- hezkuntza
- bolatoki funtzioak
- biltegia
Funtzio ezberdin guzti hauek egitura berberak jasango lituzke eta hau itxitura ezberdinen bitartez lortuko litzateke.


2multzoa, urtaroen arabera ezberdina litzateke
- udaran, kanpamendua
- neguan, negutegia + biltegia
- puntuala, azoka + merkatua
Beraz egitura arin hau jarri eta kentzeko modukoa litzateke eta urtaroen arabera funtzio bat ala beste hartuko luke. Baina funtzio guztiak egitura berberarekin.


3multzoa, egitura sendoa eta iraunkorra litzateke eta hau urte osoan berdina izango litzateke inolako funtzio aldaketarik gabe.
Beraz hartuko luken funtzio bakarra landaetxearena litzateke.


Proposamen hau aisi eraztun osoan errepikatzeko modukoa litzateke eta beraz lau puntuetan ezartzeko modukoa da.
Hau honela, gune zentral batean ( 1 multzoa ) inguruan egitura arin aldakorra egongo litzateke ( 2 multoza ) eta azken hau egitura sendo iraunkor eta funtzio bakarrekoz inguratua ( 3 multzoa ).

erabilera anitzeko egitura

Behin talde lana amaitu ostean eta Uribarri Arrazuarako programa egina genuen.
Bertan kanpamendu eta landetxeak jartzea da gure proposamena bertan hezkuntza bultzatzeko gainerako ibilbide osoan zehar bezala.
Hori dela eta, gaur egun dauden elementuak aztertzen hasi gara binaka, gure proposamena gehiago zehaztu baina lehen.
Gaur egun, eraikina (baserri modukoak),biltegiak, negutegiak, bolatokia (elkartzeko espazio publiko moduan) eta eliza daudela aztertu dugu.
Eta lehen esan bezala, guk jarri beharrekoak kanpamendua eta landetxeak dira eta baita ibilbideko beste puntuetan bezala merkatua ere.

Hauen artean lotura edo harreman bat bilatu dugu,
bi multzotan banatu ditugu esaterako. Alde batetik egitura sendodun eraikinak egongo lirateke eta bestetik berriz egitura arineko eraikinak.


Hori honela, ondorioztatu dugu egitura sendodunak irakunkorrak izan daitezkeela, hau da, urtetan zehar ez direla lekuz moituko eta beti erabiliko direla.
Bestetik ordea, egitura arindunak aldakor moduan hartu ditu. Hau da, egitura arineko eraikin hauek ez dira urte osoan erabiliko. Urtaroen arabera aldatzen joaten dira futzioz.

kanpamendua - hezkuntzarekin lotua dago eta hau usta garaian erabiliko da - udara beraz


azoka - puntuala izango da, ez da urtaroen araberakoa izango. Fetxa konkretu batzuetan ipiniko da
             eta beraz bere erabilera oso murritza izango da.


negutegiak, biltegiak - hauek gehien bat neguan erabiliko dira,
                                     negutegiak neguan eta biltegiak gehien bat ere neguan udarako usta garaiko  elementuak gorde ahal izateko




Beraz ondorioztatu dugu egitura finko batetik abiatuta urtaroen arabera funtzio guzti hauek ase ditzakegula.
Beraz, egitura batetatik abiatuta, urtaroen arabera erabilera ezberdinak izango ditugu.

 Proposamen hau noski ibilbide osorako erabilgarria izango da, hau da, ibilbide osorako programa litzateke.
Beraz, egitura bera izanik urte osoan zehar aldatuko litzatekeena itxitura litzateke.
Itxitura lekuan lekuko ezaugarri ala elementuz egitea interesgarria litzateke eta beraz ibilbide osoan esanguratsu edo garrantzitsuenak diren ezaugarriak ezberdinak direnez, lekuan lekuko itxiturak lortuko genituzke.
Honek honela ibilbideko puntu garrantzitsuenetako ezaugarriak indartuko lituzte eta beraz gure lehengo ideia ere bai.

hezkuntza ezberdinen bateratzea

Hezkuntza aniztasunarekin osatu nahi genuen ibilbidea aztertu ondoren, lau gune ezberdinetan zatitzea erabaki dugu. Honela, ibilbide bat izango genuke baina 4 ezaugarri ezberdinetako eremuz osatukoa litzateke. Lau gune hauek, herri multzoak direlako eta gune bakoitzak bere ezaugarri esanguratsuak dituelako bereizi ditugu.
Lehenengo eremua, abelzaintza eta nekazaritzarekin lotu ditugu, hauek baitira zati honetarako ezaugarri nabarienak.
Bigarren eremua aldiz, zuhaitz eta mendiekin lotu dugu. Eremu honen kokapena dela-eta, hau baita eremua honen esanguratsuena.
Hirugarren eremua, ibilbidearekin lotu dugu, ingurua parke naturala eta mendia izanik, hau indartzeko
aukera ematen baitigu.
Azkenik, laugarren eremua; nekazaritza, ura eta mendiarekin lotu nahi izan dugu.

Lau eremu hauek lotzen dituen ibilbide anitza eremu ezberdinetatik pasako da beraz. Eremu bakoitzak lekuan lekuko ezaugarri esanguratsuenak izango ditu, eta beraz ezberdina izango dira eremu bakoitzak eskeiniko duen hezkuntza.
Irudi honetan azaltzen da eremu bakoitzak hartuko dituen herriak eta baita gure hezkuntza ibilbidea nondik pasatzen den ere.

Gure proposamena, ibilbidean barrena merkatu-azokak, etxe ruralak, kanpamentuak eta kanpinak kokatzea da. Honela, hauek emango lukete hezkuntzarako aukera eta beraz, hauei esker mugatua izango litzateke lurren erabilpena ere. Hauek egon ezean, hezkuntzara bideratutako lurrak gehiegi erabiliak izan eta suntsituak izango baitziren.
Hori honela, lau eremu horietako bakoitzean hauek kokatzen saiatu gara, bertako ezaugarriak aztertu ostean. Eta honako hau litzateke gure proposamena,

Bukatzeko, gure proposamena jarraituz gure eremuan interesgarriak diren puntuak aztertu ditugu.
Hauek lirateke beraz Uribarri Arrazua puntu esanguratsuenak.

hezkuntza aniztasunen ibilbidea

Gure herrixketan Gasteizek ez duen hori indartu nahi izan dugu, natura, aisia esaterako. Gure herrixkek kokaleku berezia dute, landa lurren amaieran eta mendien hasieran kokatzen dira, bi paisai ezberdinez inguratuak daude. Gure ideia izaera bereko herrixkak elkartu eta hauek indartzea denez, inguruko landa lurrak aztertu ditugu eraztun anitz bat sortzeko asmotan.

Landa lurren sailkapena egiteaz gain, gure herrixkak indartzen dituzten ezaugarri bereziak ere aztertu ditugu, hau ere, gure herrixkak lotuko dituen ibilbidea indartu nahian. Mugan dauden herrixkak aberatsenak iruditzen zaizkigu, mugan daudelarik ezaugarri ezberdin gehienak bertan elkartzen baitira.

Bi plano hauen ostean gunerik interesgarrienak bildu ditugu ibilbidea hauetatik pasatzeko asmoz. Jakina da errepide guztiak Gasteizen inguruan eginak daudela eta gure herrixkek arteko komunikazioa ez dela hain egokia. Baina aztertzen aritu ostean, bidezidor baten berri jakin dugu eta hau oso interesgarria iruditu zaigu gure ibilbidea bertatik pasatzea egokia baita.

Ibilbide osoan zehar bidezidorra jarraia ez den arren, ibilbidearen zati handi bat hartzen du.

Planoetan ikusi ditugun 3 arlo ezberdin hauek aztertu ostean, ondorioztatu dugu gure hezkuntza aisi eraztunaren ibilbidea nondik pasatzea izango litzateken egokiena.

Beraz, gure ideia HEZKUNTZA arlotik bideratu nahiko genuke. Ibilbide anitz bat izango litzateke hezkuntza ezberdinak lotzen dituena. HEZKUNTZA HAU, LEKUAN LEKUKO IZAERAKOA LITZATEKE.

mundu batetik bi mundu

Lehen azterketa egiten hasi ginenean ohartu ginen Gasteiz eta gure herrixkek jatorri bera izan zutela, hau da, abiapuntu beretik abiatu zirela. Sinbolo gisa, eliza eta bere elizatea hartu ditugu baina gauza gehioago ere izango zituzten harremanean, hala nola antolaketa irregularra, etxeen tipologia, elizate irregularrak... azken finean adierazi nahi duguna da gaur egun guztiz ezberdin diren bi herri izan arren, abiapuntu bera izan zutela.

Harremanean duten jatorri beretik abiatuta, hauek garatuz joan dira urteak aurrera joan diren einean eta orain bi mundu ezberdinekin topo egiten dugu. Oraingo irudian atzera joan gara eta gure abiapuntua ulergarri egiten duen irudikapen bat egin dugu. Bertan, abiapuntu berak azaldu nahi izan ditugu gaur egun arte izan dituzten garapenak alde batera utzirik.

Gasteiz inguruko landa lurzoruak irudikatzen dituen irudia da hurrengoa. Gure ideia aurrera eramatea indartzen duen beste alor bat dela iruditzen zaigu. Gainera, gurea mendi gunea izanik gure herrixkek kokapena dela-eta, lur mota ezberdinez inguratua dago, ez dute inguruan lur mota soil bat.

Beraz, abiapuntu beretik abiatutako bi herri motek gaur egun gauza ezberdinak eskein diezazkigukete. Jakina da Gasteizek alor askotan gure herrixkei gaindituko diela ( zerbitzuak, azpiegiturak...) baina gu bestelako faktore batzuk aztertzen saiatu gara gure herrixkak maila berean edo altuan jarriz. oraingo irudikapenean alderapen bat egin dugu Gasteizek eskein diezagukenarekin eta gure herrixkek eskein diezaguketenarekin beste aldetik. "positibo-negatibo" moduko irudikapen honek garbi erakusten du herri bakoitzak zer eskein diezaguken.

Bestetik, aurrera egiteko ezinbesteko den azpiegitura planoa egin dugu. Bertan argi ikusten da azpiegitura guztiak Gasteizi begira eginak daudela eta gure herrixketara radialki iristeko aukera besterik ez dagoela. Herrixkak ez daude beraien artean ondo komunikatuak eta horrek Gasteiza joatea areagotuko du.

Hurrengo irudian, gure herrixkek kokapena dela eta duten ezaugarri bat ageri da; gure herrixkak landa lurzoruen eta mendien artean kokatzen dira, hau da mugan daude. Landa lurzoruak amaitu eta mendiak hasten dira, bi lur mota guztiz ezberdin agertzen direlarik eta gure herrixkak bi hauen artean kokatzen dira.

Gure ideia edo nahia herrixkak eta Gasteiz maila berean jartzea da. Orain arte aztertu ditugun puntuak elkartuz alderaketa irudikapen bat egin dugu puntuak laburtuz eta leku bakoitzak duen alde positibo ala abantailak ageriaz. Honela herrixkak indartu eta hauek Gasteizen gainetik jartzea da gure helburu nagusia.

Azkenik gure helburua indartzeko proposamen bat egin dugu. Gure proposamena, gure ezaugarriak dituzten herriak elkartu, hau da, landa lurren eta mendien artean dauden herrixkak elkartu eta beraien artean eraztun moduko bat eratzea litzateke. Hau noski, Gasteizekin lotua egongo litzateke.

Beraz honela, herrixka bakoitzak bere ezaugarriak izanik eta herrixkak beren artean elkartuz askoz ere indar gehiago izango zuten eta honela aisi eraztun bat sortuko genuke. herrixkek honela indar gehiago izanik eta beraien artean komunikatuta egonik. Aisi eraztunaren eremu bakoitzean alor bat landuko genuke eta beraz, alor ezberdinak lantzen dituen aisi eraztun bat lortuko genuke.

hezkuntza, bide berriak

Hezkuntzari dagokionez, aldaketa ekarri duena irakaskuntza tresna edo materiala izan dela iruditzen zait. Tresna berriek (ordenagailuek hala nola), hainbat baliabide eskaintzen dizkigute eta hauek aberasgarriak ere izan daitezke; argazkiak, bideoak, programa oro erabiltzeko aukera … baina hala era guztiz ere, hauetan aurki genezakeen informazioa nahiko nahastua dela iruditzen zait. Nik nire esperientziari dakionez, informazioa behar izan dudanetan liburuetara jo izan dut, informazio anitzago eta zabalago baten bila.

Bestetik, irakasle-ikasle harremanari dagokionez, oraindik aldaketa handi baten beharra dagoela iruditzen zait. Oro har, gertutasuna falta dela iruditzen zait. Huskeria dirudien arren, zalantzak galdetzea, klaseko partaidetza … zailtzen dituela iruditzen zait. Honek guztiak aurrera pausu bat emango duelakoan nago ordea.

PAISAIA; non da oreka?

Paisaia ingurune naturalarekin nahastu izan da, baina giza begiek ikusten duten eta emozioren bat trasmititzen diguten inguruak paisaiak dira . Paisaia subjetiboa da beraz, norbanakoari transmititzen dionaren araberakoa, bakoitzak harreman jakin bat izango du paisaiarekin.

Paisai bakoitzak funtzio jakin bat izan dezake; hiria bizileku eta nekazal lurrak elikagaiak lortzeko bide gisa esaterako. Holandako adibidean bezala, elikagaiak hirian bertan sortzearen programa sortu zen. Nekazal lurrek, hiri lurra inguratuko zuten, hiriaren birika izango ziren eta bertatik hiria elikatzeko aina elikagai hartuko ziren. Hiriaren zati garrantzitsu bat elikagaiak lortzeko lurrek osatzen zuten eta honela bertako biztanleria elikatzen zen. Programa honek, etxebizitzak eraiki ziren arte iraun zuen, hauek eraikitzean nekazal lurrei lekua kendu behar izan baitzitzaien. Gaur egun elikagaiek milaka jatorri ezberdin dituzte, nekazal lurrak ez direlako nahikoa hiria elikatzeko.

Hiri bakoitzak bere eskaintzen araberako erosotasuna eskainiko digu eta zenbat eta hiri handiagoa izan, erosotasun gehiago izango ditu eta beraz, hazkundea handiagoa izango da. Hirietan biztanleria handitzeak, inguruan nekazal lurren eraztun bat egitea zailduko du, Holandan gertatu zen bezala. Horregatik, hirien inguruko lurrak ez dira nahikoa izango hiria elikatzeko.

Hau honela, elikagaiak beste lurraldeetatik ekarri beharko dira eta honek, transportea areagotuko du eta baita gure inguruetako paisaiaren aldaketa ere. Paisai mota bat handitzeak edo zabaltzeak beste mota bateko paisaia murriztea ekarriko du, hau da, oreka galduko du.

Hiriak sare publiko eta eremu eraikiekin lotzen ditugu, Holandako programa kasu berezitzat hartzen dugu; baina ez al litzateke egokia izango programa hauen eta baita bestelako programen bidez hiri bakoitza bere beharrak asetzeko gai izatea, paisai ezberdinak egonik? Ala egokiagoa da, eremu zabal bakoitzak paisai mota bat izatea? Eta gaur egun bezala elikagaiak kanpotik ekartzea?

kurtsoko nahiak

Irailarekin batera heldu da kurtso berria, ikasgai berriekin batera, proiektuak 3 adibide.

Proiektuak 3 ikasgaiarekin berriz, heldu da bloga, lanak elkar partekatzeko modu berriarekin.

Gauza berriak, berriak izanik, nekez ezagutu ditzakegu baina ideia ezaguturik gogotsu hartu dut blogaren kontua. Kurtso guztiko lanak momentu oro eskuragarri izateaz gain, lanak elkar ezagutzeko modu interesgarria iruditu zait. 

Bestetik, iruzkin kritikoen edo norbanakoaren iritzia ezagutzearen bidez,  nire iritzia garatzeaz gain, gainerakoen iritziak ezagutuz nireak birplantea ditzaket, ikuspuntu berriak ezagutuz .

Orokorrean, kurtso honetan segurtasun gehiago izan nahi dut bai lanetan eta baita nire buruarengan ere. 

Beti iruditu izan zait norberak bere buruarengan duen segurtasuna eta konfiantza oso garrantzitsuak direla, ezinbestekoak aurrera egin ahal izateko. Hori dela eta, nahiz eta nere buruarengan konfiantza eta segurtasuna eduki, hau areagotzea gustatuko litzaidake, urrutirago heldu ahal izateko.

 Eta behin hau honela izanik, klasearen aurrean nire lanak aurkeztea zein hitz egitea errazagoa eta erosoagoa izango litzatekeela iruditzen zait.